PO IKIN...

Ikin
Turra turra
Kokëulur, besimthyer, xhepatharë, shpirtëzbrasur
Ikin,
Shpresëfikurit.
Me një stinë ja bëri vitin shqiptari i kulltuktë
shqiptarit të pakulltuktë
Dimër, dimër, dimër, dimër
U nxinë rrugët
Po ikin
ikin
ikin
ikin
shpresëfikurit, pa hartë.
Pse shpejtojnë, s'ka 15 vjet që erdhën të ikurit?!
-Pyesin barkëngopurit për barkëtharët
Kulltukëulurit për dheulurit.

Ofshamat e nanave mjegullojne xhamat e autobuzit në kufi
Oooff, ooofff,
-Ku po na çoni kshu, Ju, kolone te ri
të korrupsionit, -na bat zi e ma zi
pas 15 vitesh, prap, muhaxherë u bëmë në shpi...
Serbisht po na shanë prap serbjani minister
Sy për sy,
Mbushet edhe një autobuz
zbrazet edhe një klasë
Abetaret grisen në kufi..
Në oborr, ballë portës një qen besnik, syshqetësuar
pret zotin e tij...
Po Ikin
Dhe ne, si qyqarë, rrimë
duarkryq!

M.P